Nazien presentzia Bidasoan

Nazien presentzia Bidasoan argazki-erakusketa bat da, naziek Bidasoaren bi aldeetan izan zuten presentzia eta haien jarduerak, armada inbaditzailearen eguneroko bizitza, agintari frankistekin lortutako adiskidetasuna edo aliatuen balizko lehorreratze baten aurrean kostaldea gotortzeko egindako lanak jasotzen dituena. Halaber, euskal mugako bizitza klandestinoa islatzen du. Bi estaturen arteko muga zen, bata naziek okupatutakoa eta bestea, frankista, formalki neutrala zena, eta mugalariak, okupazio-indarrak, informazio-zerbitzuak eta Erresistentziako taldeak, esaterako, Comète sarea protagonista izan zituen mugaz haraindiko mugimendu-multzo konplexua ahalbidetu zuen. Erakusketaren komisarioa Juan Carlos Jiménez de Aberasturi da eta armada alemanaren eguneroko bizitzako eta bizitza ofizialeko irudi ezezagunak ditu.